ഒമാനില് ഡ്രോണുകളുടെ വില്പനയും രജിസ്ട്രേഷനും നിയന്ത്രിക്കുന്നതിനായി സിവില് ഏവിയേഷന് അതോറിറ്റി പുതിയ മാര്ഗ്ഗനിര്ദ്ദേശങ്ങള് പുറപ്പെടുവിച്ചു. രാജ്യത്തെ വ്യോമയാന സുരക്ഷയും പൊതുസുരക്ഷയും ഉറപ്പാക്കുന്നതിന്റെ ഭാഗമായാണ് പുതിയ ഉത്തരവ്. ഡ്രോണുകള് വില്ക്കുന്ന എല്ലാ ഔട്ട്ലെറ്റുകള്ക്കും ലൈസന്സ് ഉണ്ടായിരിക്കണമെന്നും അംഗീകൃത വില്പന കേന്ദ്രങ്ങളില് നിന്ന് മാത്രം ഡ്രോണുകള് വാങ്ങണമെന്നും അധികൃതര് നിര്ദ്ദേശിച്ചു.
അംഗീകൃതമല്ലാത്ത വഴികളിലൂടെ ഡ്രോണുകള് വില്ക്കുന്നതോ, വ്യാപാരം നടത്തുന്നതോ, പ്രവര്ത്തിപ്പിക്കുന്നതോ നിയമപരമായ നടപടികള്ക്ക് കാരണമാകുമെന്ന് സിവില് ഏവിയേഷന് അതോറിറ്റി മുന്നറിയിപ്പ് നല്കി. നിയമങ്ങള് ലംഘിക്കുന്നവര്ക്കെതിരെ കര്ശനമായ ശിക്ഷാ നടപടികള് സ്വീകരിക്കും. ഒമാനിലെ ഡ്രോണ് പ്രവര്ത്തനങ്ങള് കൂടുതല് സുതാര്യമാക്കുന്നതിനും നിയമവിധേയമാക്കുന്നതിനുമുള്ള വിപുലമായ നിയന്ത്രണ സംവിധാനത്തിന്റെ ഭാഗമായാണ് നടപടി.
Content Highlights: Oman has issued new guidelines to regulate the sale and registration of drones. The Civil Aviation Authority (CAA) of Oman requires all drone sellers to be licensed and register each drone on the AirPortal platform. Additionally, ownership must be transferred to the buyer using the Serb application before handing over the drone